Korporata Energjetike e Kosovës (KEK) pas nisjes së hetimeve nga Prokuroria Themelore në Prishtinë për punësimet e reja, ka dhënë një sqarim.
Nëpërmjet një deklarate sqaruese, KEK-u ka thënë se rezultatet janë publikuar për 128 pozita nga gjithsej 150 për sipas shpalljes publike. Ndërsa për 17 pozita KEK-u ka thënë se ende nuk janë të plotësuara dhe vazhdon procedura e rekrutimit.
“Pavarësisht faktit se KEK ka bërë përpjekje për të respektuar kriteret e shpalljes publike si dhe dispozitat ligjore të Ligjit të Punës në fuqi dhe detyrimeve ligjore të dala nga aktet nënligjore për çështjen e rekrutimit të punëmarrësve, KEK është duke përcjellë me seriozitet të gjitha pretendimet publike rreth shkeljeve eventuale gjatë procesit të rekrutimit”, thuhet në njoftimin e KEK-ut.
Në këtë njoftim thuhet se të gjithë ankesat do të shqyrtohen me kujdes të madh dhe do të korrigjohen gabimet e evidentuara si dhe do të merren masa adekuate konform ligjit për çdo shkelje të mundshme në proces./arbresh.info/
lexo edhe:
Punësimet e militantëve në KEK, Haxhiu: Mund të jenë akuza të pabaza
“Nuk ka gjë më të vështirë sesa të jetosh si refugjat në qyt...
Kosova aderon në Konventën e Stambollit në Organizatën Botër...
Zelensky: SHBA-ja dhe Britania s’lejojnë përdorimin e raketa...
Osmani ndan tjera fotografi nga pritja në West Point: Falemi...
KFOR-i: Situata në terren është e qetë, por mbetet e brishtë
Policia Bashkiake e Tiranës certifikohet nga kompania e njoh...